عبر حسابها الخاص على موقع التواصل الإجتماعي نشرت الفنانة السورية أصالة عن طريق الخطأ صورة لبطاقات ابنيها علي وآدم في مدرستهما، وظهر على البطاقة رقم هاتف أصالة الخاص والهاتف الخاص بزوجها طارق العريان وايضا عنوان منزلهما.
أصالة علّقت على الصورة قائلة: "بكره أول يوم لولادي علي وآدم بالمدرسة وهي المدرسة اللي تخرجت منها شامي بتفوق ولودي إبني ما زال بيدرس فيها وللأسف بيعيد سنته الدراسية بسبب حمله لمواد ما قدمها بالصيف بالشكل المناسب واقتنع بأنه هاد الدرس الحقيقي اللي لازم يتحمل نتيجته وما يعمل متل بعض رفقاته اللي كمان كان المفروض يعيدوا السنة وفضّلوا يروحوا مدرسة بتسمحلهم يكملوا وكأن شيئاً لم يكن".
أصالة أضافت: "مو هون القصة الموضوع أنه صاحبة المدرسة ومديرتها سيّده إسمها سوسن دجاني وأنا بحب هالست وبقدرها وبعشق إنسانياتها ورغم إنها غالباً ما بتنتقدني على تدليعي لولادي إلّا إنها بتساعدني وكأنها من أهلي بتربيتهم، وكان إلها الفضل الكبير بتغيير بعض الأشياء اللي بتخصني أنا ولأنها قدوتي حسّنت بي كتير تصرفات كنت قد عجزت على إصلاحها، بدّي أشكرها على كل ما فعلت معي ومع عيلتي وبدّي تتمنوا معي لآدم وعلي مستقبل عظيم بالعلم وبخبركم على خطوات لودي حبيبي وشعوره بدفع تمن شوية لعب بإعادة السنة".
وختما أصالة بالتالي: "الله يوفق ولادنا كلهم ويكون بعون الولاد اللي الظروف ما سمحتلهم يروحوا مدرسة ويعيننا نساعدهم قولوا آمين".